DEPARTEMENTE EN MEER

Handelinge 9:36-42

 

36 In Joppe was daar ‘n gelowige vrou met die naam Tabita, in Grieks “Dorkas”. Sy was altyd besig om goed te doen en die armes te help. 37 Juis in die tyd toe Petrus in Lidda was, het sy siek geword en gesterwe. Hulle het haar gewas en in ‘n bokamer neergelê. 38 Aangesien Lidda naby Joppe is en die Gelowiges gehoor het dat Petrus daar is, het hulle twee mans na hom toe gestuur met die versoek: “KOM TOG GOU NA ONS TOE OOR”

 

39 Petrus het dadelik saam met hulle gegaan en toe hy daar kom, het hulle hom na die bokamer toe geneem. Al die weduwees het by hom kom staan en snikkend vir hom die klere gewys wat Dorkas gemaak het toe sy nog gelewe het.

 

40 Nadat Petrus almal uitgestuur het, het hy gekniel en gebid. Toe het hy na die liggaam gedraai en gesê: “TABITA, STAAN OP!”

 

Sy het haar oë oopgemaak en toe sy vir Petrus sien, het sy regop gesit. 41 Hy het haar met die hand help opstaan, die weduwees en die ander gelowiges geroep en haar lewend voor hulle gebring.

 

42 Die hele Joppe het hiervan gehoor, en baie mense het tot geloof in die Here gekom.

Gemeente Bestuurder

Past. (MTh) Elsie De Beer

Tel 083 519 5747
E-Pos - kantoor@ppknewlands.co.za

Geestelike Leierskap

Marius Zwarts

Tel 082 316 6973
 

Administrasie

Cathy Clarke

Tel 063 826 2673

Musiek Leier

Carol-Ann De Beer

Tel 071 439 2851
 

Persoonlike Assistent

Crystal Victor 

Tel 071 341 3071
 

Klank

Jurie Pienaar en Shanita Jacobs

 

 

In Matteus 5:13 gee die Here vir Sy volgelinge die volgende opdrag-  ons moet die sout wees wat die Aarde 'n beter plek maak. Verder sê dit ook dat ons as sout laf geword het, kan ons vir niks gebruik word nie. In Mattheus 5:14 sê die Here ook dat ons die lig moet wees wat die donker wêreld moet verlig. 

Daarom het ons as Kinderkerk besluit om die "Sout Liggies" te wees. Ons moet so lewe dat ons ander se wêreld 'n beter plek maak en vir hulle 'n lig in die duisternis wees.

Letitia Jacobs en Jeany Teixeira

Jeug (Adult Youth)

 

Alhoewel Jesus tans in die Hemel woon loop Jesus steeds nog op hierdie aarde. Hy flikker nogsteeds deur die duisternis terwyl Hy deur gebroke mense soos ek en jy SKYN. Hy woon letterlik in ons, Sy lewe is in ons en hierdie lewe gee lig in die duisternis, en die duisternis kan dit nooit blus nie. Net soos n "FireFly " sy liggie in die donker skyn. So sal ons wat gelowiges is ons lig laat skyn sodat almal kan sien. Mattheus 5:16 se: Laat julle lig so voor die mense skyn, dat hulle julle goeie werke kan sien. En julle Vader wat in die Hemel is verheerlik. 

Jeug Leier

Etresia Booysen

Visie

Die uitbouing van God se Koninkryk deur die verkondiging van die Evangelie van Christus onder totale en absolute leiding van die Heilige Gees. Mobilisasie van alle lidmate deur die identifisering en toepassing van die vyfvoudige bediening volgens Efe 4:11. En Hy het gegee sommige as apostels, ander as profete, ander as evangeliste, ander as herders en leraars.
 

Missie

Primêr is die taak wat ons opgelê is om God se Koninkryk uit te brei en is ons missie dus om met uitbreiding en ontwikkeling die opdrag uit te voer volgens Matt. 28:19 Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het.
 

Gesonde Evangelisasie-metodiek te volg deur die Geestelike leiers te onderrig en toe te rus sodat die waarskuwing wat opgeteken is in Hosea 4:6 My volk gaan ten gronde weens gebrek aan kennis, oorkom sal word en sodoende ‘n goed toegeruste gemeente te hê wat progressief staan in God se Koninkryk en die uitbouing daarvan.
 

Samevattend kan die missie van die Geestelike bestuur gedefinieer word volgens Handelinge 20:28 Gee dan ag op julleself en op die hele kudde waaroor die Heilige Gees julle as opsieners aangestel het om as herders die gemeente van God te versorg, wat Hy deur sy eie bloed verkry het. Die Bates, Finansies en Administrasie wat aan ons toevertrou is so te bestuur dat ons volgens Matt 25:23 oor soveel meer aangestel sal word.
 

Waarin ons glo
Ons glo in die Drie-enige God – Vader, Seun en Heilige Gees

Ons glo in die maagdelike geboorte van Jesus,

Ons glo in die versoen dood van Jesus, Sy opstanding en hemelvaart

Ons glo dat Hy weer gaan terugkom om ons na Sy ewige tuiste te haal

Ons glo aan die wedergeboorte deur die bloed van Jesus, wat ons sonde deur genade wegneem

Ons glo aan die doop deur onderdompeling

Ons glo aan die gemeenskap van die heiliges en die onderlinge byeenkomste van alle Christene

Ons glo dat die volle Bybel die geinspireerde woord van God is en dat die hele Bybel nuttig is vir ons geestelike groei

Ons glo aan die werking van die Heilige Gees

Ons glo aan die gawes van die Heilige Gees

Ons glo dat die vrug van die Gees deur almal altydeur geopenbaar behoort te word

Ons glo dat gebed die kommunikasie medium met God is en dat God gebede beantwoord